Toshkent shahrida savdo do‘konlaridan birini oldida ayol joy talashib o‘zini yoqib yuborgandi. Holat yuzasidan jinoyat ishi qo‘zg‘atildi. Bu haqda Bosh prokuratura matbuot kotibi Hayot Shamsutdinov ma’lum qildi.

“Olmazor tumanida 41 yoshli ayol o‘zini yoqib yuborgani holati yuzasidan Jinoyat kodeksining 103-moddasi (o‘zini o‘zi o‘ldirish darajasiga yetkazish) bilan jinoyat ishi qo‘zg‘atilgan”, deyiladi xabarda.

Ma’lum qilinishicha, ayol tan jarohati olgani yuzasidan sudga oid tibbiy ekspertiza tayinlangan.

Hozirda holat bo‘yicha tergov harakatlari olib borilmoqda.