Rossiya prezidenti Oʻzbekiston prezidentiga konstitutsiyaviy referendum munosabati bilan tabrik yoʻlladi.

Tabriknoma Kreml rasmiy saytida eʼlon qilingan.

Konstitutsiyaviy referendumning muvaffaqiyatli oʻtgani munosabati bilan samimiy tabriklarimni qabul qiling.

Umumxalq ovoz berish natijalari davlat institutlarini mustahkamlash, fuqarolar huquqlarini himoya qilish va mamlakatning barqaror ijtimoiy-iqtisodiy rivojlanishini taʼminlash yoʻlidagi yoʻlingiz keng qoʻllab-quvvatlanayotganini toʻliq tasdiqladi.

Oʻzbekistonda amalga oshirilayotgan konstitutsiyaviy islohotlar davlatlarimiz oʻrtasidagi strategik sheriklik va ittifoqchilik munosabatlarini yanada mustahkamlashga xizmat qiladi.

Sizga chin qalbimdan davlat faoliyatingizda yangi muvaffaqiyatlar, mustahkam sogʻlik va farovonlik tilayman, — deyiladi Vladimir Putin tabriknomasida.