Fargʻona viloyati Buvayda tumanidagi “Qoraqum” mahalla fuqarolar yigʻinida yashovchi uch asrni koʻrgan onaxon Huvaydo momo Umarova referendumda ovoz berdi. 

470-uchastka komissiyasi aʼzolari koʻchma quti bilan yoshi ulugʻ momo istiqomat qilayotgan xonadonga borishgan.

Huvaydo momo Umarova 2016-yilda Prezident farmoniga koʻra “Shuhrat” medali bilan taqdirlangan. 

Surxondaryo viloyati Denov tumanida esa 100 yoshli Xurram Ishqobilov referendumda ishtirok etish uchun uchastkaga bordi.

Tumandagi 690-referendum uchastkasida ovoz berish jarayoni davomida 100 yoshli fuqaro 95 yoshli turmush oʻrtogʻi hamda 70 yoshli farzandi bilan uchastkaga kelib, ovoz berdi.

Namangan tumanida yashovchi 107 yoshli Ibrohimjon Xoʻjayev Konstitutsiyaning yangi tahriri boʻyicha referendumda uchastkaga borib ovoz berdi.