Bugun, 9-mart kuni Termiz xalqaro aeroportida koʻrish masofasining qisqargani tufayli samolyotlarni qabul qilish va joʻnatishga cheklovlar joriy etildi. Bu haqda “Uzbekistan Airports” AJ Matbuot xizmati xabar berdi.

Qayd etilishicha, aeroport hududida koʻrish masofasi 2000 metrni tashkil etmoqda.

Maʼlumotlarga koʻra, noqulay ob-havo sababli “Oʻzbekiston havo yoʻllari”ning HY67 (Toshkent-Termiz) reysi ekipaji Qarshidagi muqobil aerodromga yoʻnaltirilgan. Reysning Qarshi xalqaro aeroportiga yetib kelish vaqti mahalliy vaqt bilan 10:23 deb taxmin qilingan.