Kuni kecha Toshkentda rossiyalik jurnalist, «Byulleten kinoprokatchika» jurnali muharriri Aleksandr Nechayevning jasadi topilgandi.

Bosh prokuratura xabariga koʻra, 36 yoshli jurnalist Aleksandr Nechayev vafot etganligi holati boʻyicha tekshirish oʻtkazilmoqda.

Sud-tibbiyot ekspertizasining dastlabki xulosasiga koʻra, A.Nechayevning oʻlimi «surunkali yurak-oʻpka yetishmovchiligi, yurakning surunkali ishemik kasalligi»dan kelib chiqqan.

A.Nechayevning tanasi koʻzdan kechirilganda tan jarohatlari aniqlanmagan.

Tekshirish davom etmoqda.