8-mart — Xalqaro xotin-qizlar kuni Sirdaryo viloyatining Guliston shahrida yashovchi Maqsuda Karimova 3 egizak qizaloqni dunyoga keltirdi.

Uch egizak qizaloq — Fotimaxon 2,2 kg, Zuhraxon 2,5 kg, Zahroxon 2,2 kg vazn bilan tugʻildi.

Ayni paytda onaning ham, chaqaloqlarning ham salomatligi yaxshi. Tajribali mutaxassislar nazorati ostida parvarish jarayoni davom ettirilmoqda. Egizaklar oʻz uyiga qaytgach, Maqsuda Karimova jami olti nafar farzand tarbiyasi bilan shugʻullana boshlaydi.