Toshkent shahar hokimi vazifasini bajaruvchi Baxtiyor Rahmonov jismoniy va yuridik shaxslarning murojaatlari ijrosini oʻz vaqtida va sifatli taʼminlashda kamchiliklarga yoʻl qoʻygan hokimlarga nisbatan intizomiy jazo chorasini qoʻlladi. Bu boʻyicha shahar hokimi tegishli qaror qabul qilgan.

Qarorga koʻra:

Toshkent shahar hokimining birinchi oʻrinbosari Hotambek Anvarovich Shokirov;

Toshkent shahar hokimi oʻrinbosari – uy-joy kommunal xizmat koʻrsatish bosh boshqarmasi boshligʻi vazifasini vaqtincha bajaruvchi Shohruh Gʻayrat oʻgʻli Rahimjonov;

Chilonzor tumani hokimi Saidqahhor Muhammadkarim oʻgʻli Xolxoʻjayev;

Yunusobod tumani hokimi Abduvaliyev Bahodir Abdulhayevich;

“Munitsipal aktivlarni boshqarish markazi” Davlat unitar korxonasi bosh direktori Axad Anvarovich Razzoqovlarga oʻrtacha oylik ish haqining 20 foizi miqdorida jarima jazosi belgilangan.