Toshkent viloyatida fuqaro T.I. “S.T.” mas’uliyati cheklangan jamiyatiga qarashli savdo do‘konidan ikki dona uyali aloqa vositalarini xarid qilib, evaziga 14 dona qalbaki 50 AQSh dollarlik kupyura bilan hisob-kitob qilib, jami 700 AQSh dollarini bergan.

Bu Bosh prokuratura huzuridagi Departamentning Bo‘stonliq tumani bo‘limi tomonidan Ichki ishlar bo‘limi xodimlari bilan hamkorlikda tadbirkorlik subyektlarining huquqlarini himoya qilish yuzasidan o‘tkazilgan tergovga qadar tekshiruvda aniqlandi.

Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.