Avvalroq Prezident Shavkat Mirziyoyev raisligida raqamlashtirish bo‘yicha 2023-yilgi vazifalar va rejalarga bag‘ishlangan videoselektor yig‘ilishi bo‘lib o‘tgani haqida xabar bergan edik.

Yigʻilishda hududlarni raqamlashtirish uchun moliyaviy manbalarni kengaytirish masalasiga toʻxtalib oʻtildi.

Buning uchun “Raqamli tashqi reklama” portalini ishga tushirish, kelgusida tashqi reklamadan tushgan mablagʻlarning 20 foizini har bir viloyatning oʻzida raqamlashtirishni rivojlantirish uchun qoldirish belgilandi.

Bosh vazirga xorijiy tajribani puxta oʻrganib, namunaviy loyiha asosida Toshkent shahrida 2 ta, viloyat markazlari va yirik shaharlarda 1 tadan koʻchada zamonaviy tashqi reklama obyektlarini joylashtirishga topshiriq berildi.

Umuman 1-iyunga qadar “Raqamli tashqi reklama” tizimini ishga tushirib, undan faqat Yagona interaktiv portal orqali foydalanish lozimligi taʼkidlandi.