O‘zbekiston Prezidentining tegishli farmoniga asosan Qashqadaryo viloyati prokurori Salom Ismatovich Samadov Bosh prokuror o‘rinbosari lavozimiga tayinlandi. Bu haqda Bosh prokuratura matbuot xizmati xabar bermoqda.

Salom Samadov 3–darajali Davlat adliya maslahatchisi hisoblanadi.

Samadov avval ham, 2017–2018-yillarda bosh prokuror o‘rinbosari lavozimida ishlagan, 2018-yil oktyabridan 2022-yil avgustiga qadar Toshkent viloyati prokurori bo‘lgan, shundan keyin Qashqadaryo viloyati prokurori lavozimiga o‘tkazilgandi.