«Oʻzaviatsiya» agentligi “I FLY Airlines” aviakompaniyasiga sanksiya tariqasida Oʻzbekistonga charter parvozlarini amalga oshirishni vaqtinchalik toʻxtatish toʻgʻrisida qaror qabul qildi.

Transport vazirligi xabariga koʻra, “I FLY Airlines” aviakompaniyasi tegishli ruxsatnomalarni olmasdan qoʻpol talablarni ravishda buzib 2021-yil noyabr oyida Moskva – Urganch – Sankt-Peterburg – Urganch – Moskva, Navoiy – Moskva hamda Sankt-Peterburg – Navoiy – Sankt-Peterburg yoʻnalishlarida charter parvozlari uchun aviachiptalar sotuvini tashkil etgan. Natijada aviachiptada koʻrsatilgan vaqtda yoʻlovchilar aerovokzallarga kelishgan va belgilangan yoʻnalishda parvozning bajarilmasligi yoʻlovchilar oʻrtasida ijtimoiy keskinlikka olib kelgan.

Shuningdek, vazirlik tomonidan aviakompaniyalar tomonidan bunday holatlar takrorlangan taqdirda «Oʻzaviatsiya» agentligi parvozlarni amalga oshirish uchun berilgan ekpluatatsiya ruxsatnomalarni bekor qilishi maʼlum qilindi.