Oʻzbekiston Respublikasi Prezidentining tegishli farmonlari bilan Qobul Beknazarovich Tursunov Navoiy viloyati hokimi lavozimidan ozod etildi, Normat Tulkunovich Tursunov Navoiy viloyati hokimi vazifasini bajaruvchi etib tayinlandi. Bu haqda Prezident matbuot kotibi Sherzod Asadov xabar berdi.

Normat Tursunov muqaddam Navoiy viloyati davlat soliq boshqarmasi boshligʻi boʻlgan, 2017-2018-yillarda Davlat soliq qoʻmitasi raisi oʻrinbosari vazifasida faoliyat yuritgan, 2018-yil iyunidan buyon Toshkent shahar davlat soliq boshqarmasi boshligʻi lavozimida ishlab kelayotgandi.