Hindistonda shaxmat boʻyicha “Tata Steel Chess India 2022” turniri boshlandi.

Ushbu musobaqada Oʻzbekiston sharafini himoya qilayotgan Nodirbek Abdusattorov uchinchi turda amerikalik Xikaru Nakamuradan ustun keldi. Qayd etish kerak, Nakamura musobaqaning birinchi raqamli shaxmatchisi hisoblanadi.

Abdusattorov dastlabki turda hindistonlik Arjun Erigaisiga imkoniyatni boy berib qoʻydi. Ikkinchi turda esa boshqa bir mezbon Sarin Nihal bilan durang qayd etdi.

Shu tariqa Nodirbek 3 ta turdan soʻng 1,5 ochko toʻplagan holda 5-oʻrinni egallab turibdi.

1-oʻrindan 3 ta urinishda 3 ochko jamgʻargan ozarboyjonlik Shahriyar Mamedyarov joy olgan.