26-29-noyabr kunlari uchun ob-havo maʼlumotini eʼlon qilindi.

Unda aytilishicha, joylarga nam havo oqimi yogʻingarchilik keltiradi.

28-noyabr shimoliy hududlar: Qoraqalpogʻiston Respublikasi, Xorazm, Navoiy hamda Buxoro viloyatlarida, 29-noyabr kuni respublikaning qolgan viloyatlarida yogʻingarchilik kutiladi.

Yogʻinlar togʻlardan tashqari deyarli barcha hududlarda yomgʻir koʻrinishida yogʻish ehtimoli yuqori.

29-noyabr kuni esa shimoliy hududlar, xususan, Qoraqalpogʻiston Respublikasi va Xorazm viloyatiga sovuq antitsiklon chek qismi ancha yaqinlashadi.

29-noyabr tungi muddatlarda shimolda harorat -5 daraja sovuqgacha pasayishi prognoz qilinmoqda.