Oʻzbekiston tashqi ishlar vaziri Vladimir Norov tan olinmagan Shimoliy Kipr Turk Respublikasiga Turkiy davlatlar tashkilotiga kuzatuvchi maqomi berilishi haqidagi xabarlarni rad etdi, deya xabar bermoqda oyina.uz muxbiri.

«Sammit natijasida Shimoliy Kipr boʻyicha alohida qaror imzolanmadi. Oʻzbekiston, ayniqsa, davlat suvereniteti, mustaqilligi va hududiy yaxlitligi masalalarida xalqaro huquq normalariga qatʼiy amal qiladi. Shimoliy Kiprni mustaqil davlat sifatida tan olish haqida gap boʻlishi mumkin emas.

Kipr turklari oʻz qardoshlari bilan yaqinroq aloqada boʻlishni istashi tabiiy hol. Ammo bu masalalar Tashkilot va aʼzo davlatlarning qonunchiligi bilangina tartibga solinadi», degan Norov.