Bugun Turkiy davlatlar tashkiloti Samarqand sammitida tashkilotga aʼzo va kuzatuvchi maqomidagi mamlakatlar Davlat Rahbarlari ishtirokida “Yashil makon” loyihasi doirasida Registon maydonida koʻchat ekish tadbiri oʻtkazilishi rejalashtirilgan. Oyina.uz muxbirining xabar berishicha, bugun Oʻzbekistonning oʻzida 2,5 mln tup daraxt ekiladi.

Shuningdek, Turkiy davlatlar tashkilotiga aʼzo boʻlgan Turkiya, Ozarbayjon, Qozogʻiston, Qirgʻiziston hamda kuzatuvchi maqomiga ega boʻlgan Vengriya va Turkmaniston davlatlari poytaxtlarida ham bir vaqtning oʻzida koʻchat ekish tadbirlari uyushtiriladi. Xususan, Ozarbayjonda 11-noyabr kuni 111 ming 111 ta daraxt koʻchati oʻtqazilishi rejalashtirilmoqda.