Bu haqda Oliya ta'lim vazirligi axborot xizmati ma’lum qildi.

Joriy yilning 27–29-oktabr kunlari Rossiyaning Janubiy Ural davlat tibbiyot universitetida “Stomatologiya mikroskop ostida” xalqaro talaba-yoshlar olimpiadasi bo‘lib o‘tdi.

Xalqaro olimpiadadan ko‘zda tutilgan maqsad dunyo stomatologiya yo‘nalishidagi talabalarning kognitiv tadqiqot va ijodiy faoliyatini rag‘batlantirish, ularni kompetentligini sinash va raqobatdorligini oshirishdan iborat.

Olimpiadada Toshkent davlat stomatologiya instituti Stomatologiya fakulteti talabalari ham ishtirok etib, faxrli o‘rinlarni qo‘lga kiritdi.

Jumladan, Maftuna Eshonxo‘jayeva “Eng yaxshi terapiya” nominatsiyasi mutloq g‘olibi, Mirzoir Mirsoatov esa butunjamoa bellashuvi hisobida faxrli ikkinchi o‘ringa sazovor bo‘ldi.