Olmaota shahri hokimi Yerbolat Dosayev 3-noyabr kuni Olmalin tumani aholisi bilan uchrashuvda aholi bilan shahardagi tirbandliklarni bartaraf etish masalasida gaplashdi.

“Shu kunlarda avtobusda yurishimga toʻgʻri keldi. 32 yoʻnalishli avtobusni 33 daqiqa kutdim. Oʻsha kuni 4ta avtobus yoʻnalishga chiqmagan ekan. Bunga sabab esa shaharda avtobuslar yetarlicha emas. Bu vaziyatni bartaraf qilish uchun kelasi yilda 300 ta avtobus va 100 ta trolleybus sotib olmoqchimiz”, deydi u.

Shuningdek, shahar hokimi poytaxtda qurilgan veloyoʻlaklar xususida toʻxtalib, bu pilot loyiha ekani va kelgusida takomillashtirilishini taʼkidlagan.