Shahrisabz tuman maktabgacha taʼlim boʻlimi mudiri 1500 AQSH dollari bilan qoʻlga tushdi.

Huquqni muhofaza qiluvchi idoralar tomonidan oʻtkazilgan tezkor tadbirda, tuman Maktabgacha taʼlim boʻlimi mudiri Yu.B., fuqaro M. ni tumandagi 39-sonli maktabgacha taʼlim tashkilot direktori lavozimiga tayinlash evaziga 1500 AQSH dollari talab qilib, 1500 AQSH dollarini olgan vaqtida daliliy ashyolar bilan ushlangan.

Mazkur holat yuzasidan Yu.B.ga nisbatan Oʻzbekiston Respublikasi Jinoyat kodeksining tegishli moddalari bilan jinoyat ishi qoʻzgʻatilib, hozirda tergov harakatlari olib borilmoqda.