Shu yilning 19-oktyabr kuni soat 13:59 da Marhamat tumani Favqulodda vaziyatlar boʻlimi 20 Yongʻin qutqaruv qismiga Marhamat tumani “Gar-gar” MFY Malham koʻchasi 1 uyda joylashgan “Obidjon Botirov” jome masjidida yongʻin sodir boʻlganligi boʻyicha xabar kelib tushgan.

Marhamat tumani FVB 20-YOQQning 1-2 jangovar boʻlinmasi soat 14:06 da voqea joyiga yetib borganida masjidning alangalanayotganini koʻrishadi va yongʻindagi vaziyatni oʻrganib, yongʻinning maydonidan kelib chiqqan holda Asaka tumani FVB va Buloqboshi tumani FVBlaridan qoʻshimcha yordam chaqirildi. Yongʻin-qutqaruv boʻlinmalari zudlik bilan yongʻinni oʻchirishga kirishishgan.

Soat 14:09 da yongʻin oʻrab olinib, soat 14:35 da yongʻin qutqaruvchilar tomonidan butunlay bartaraf etilgan. Yongʻinga 5 ta Yongʻin qutqaruv ekipajlari jalb etilgan.