Moliya vazirligiga kelgusi yil 1-yanvardan tenderlarni inson omilisiz oʻtkazish tizimini joriy qilish vazifasi qoʻyildi. Bu haqida Prezident Shavkat Mirziyoyev 2022-yil uchun soliq tushumlari hamda byudjet parametrlari yuzasidan oʻtkazilgan yigʻilishda aytib oʻtgan.

Qayd qilinishicha, yigʻilishda byudjet tizimida moliyaviy nazoratni kuchaytirish masalasiga alohida toʻxtalib oʻtilgan. Buning uchun temir intizom bilan, davlat xaridlari tizimida oshkoralikni kuchaytirish zarurligi qayd etilgan.

“Moliya vazirligiga kelgusi yil 1-yanvardan tenderlarni inson omilisiz oʻtkazish tizimini joriy qilish vazifasi qoʻyildi. Shuningdek, barcha byudjet tashkilotlari buxgalteriyasini toʻliq raqamlashtirish, davlat xaridlari boʻyicha hisob-kitoblarni elektron hisob-faktura orqali amalga oshirish yuzasidan topshiriqlar berildi”, deyiladi xabarda.