Oʻzbekistonda nikohlar soni kamaydi, ajralishlar koʻpaydi

Jamiyat

22:52 / 14.10.2022 1729 0

Yanvar-centyabrm oylarida Oʻzbekistonda 197 013 ta nikoh qayd etildi, bu 2021-yilning shu davriga (206,7 ming) nisbatan 4,7 foizga kam. 1000 aholiga nikohlanish darajasi 7,4 promille (oʻtgan yili – 7,9 promille) ni tashkil etdi.

Nikohlar soni boʻyicha toʻrtdan uch qismida Samarqand viloyati yetakchi boʻlib, bu yerda 22 329 ta nikoh qayd etilgan. Keyingi oʻrinlarda Fargʻona – 20955 ta va Qashqadaryo viloyatlari – 20298 ta nikoh tuzilgan.

Shu bilan birga, 34 464 ta ajralishlar qayd etilgan, bu 2021-yilning 9 oyiga nisbatan (29031 ta) 18,7 foizga koʻp, deya xabar bermoqda Davlat statistika qoʻmitasi.

Har 1000 nafar aholiga ajralish koeffitsiyenti 1,4 promilleni tashkil etdi, bu soʻnggi bir necha yil ichida yanvar-sentyabr oylaridagi eng yuqori koʻrsatkichdir (oʻtgan yilning shu davrida — 1,1 promille).

Hududlar boʻyicha eng koʻp ajralishlar Toshkent shahrida – 4433 ta va Fargʻona viloyatida – 3979 ta qayd etilgan. Har 1000 nafar aholi soniga nisbatan poytaxt va Sirdaryo viloyati bu koʻrsatkich boʻyicha yetakchilik qilmoqda – 2 promille.

Soʻnggi yillarning dastlabki uch choragidagi nikohlar va ajralishlar statistik maʼlumotlariga eʼtibor qaratadigan boʻlsak, 2017−2019-yillarda ushbu davrdagi nikohlar soni barqaror ravishda oʻrtacha 194,5 mingtani, ajralishlar esa 23,6 mingtani tashkil etganini koʻrish mumkin. 2020-yildagi pandemiya yilida nikohlar soni 184 mingtaga, ajralishlar esa 20 mingtaga qisqardi.

2021-yilda, yaʼni toʻqqiz oyda nikohlar soni keskin oshib, 206,7 mingtaga yetgan, biroq ajrashgan juftliklar soni ham oshgan – 29 mingta. Joriy yilda ajralishlar soni oʻsishda davom etdi, nikohlanish statistikasi esa kamaydi.