Bugun va dam olish kunlari Oʻzbekiston hududiga iliq va quruq havo massasi kirib kelishi davom etadi. Bu haqda Gidrometeorologiya xizmati markazi xabar qildi.

Faqat respublikaning shimoliy hududlariga Kaspiy dengizi hududlaridan bulutli massivlar kirib kelishi sabab 15 oktabr kuni beqaror ob-havo boʻlishi kutilmoqda, baʼzi joylarda yomgʻir yogʻadi.

Kunduzgi havo harorati ushbu kunning oʻrtacha meʼyoriy qiymatlaridan koʻp boʻladi va 26-29 darajani tashkil etadi.

Shimolda va choʻl hududlarda 16 oktabr kuni baʼzi joylarda shamol 15-20 m/s gacha kuchayishi, ayrim joylarda chang-toʻzonlar kuzatilishi mumkin.