“ToshkentboshplanLiti” direktor oʻrinbosari Saidazim Sharipov OʻzA muxbiri bilan suhbatda poytaxt bosh rejasining bir qismi 2022-yil oxirigacha yakunlanishini maʼlum qildi.

Maʼlumot berilishicha, bugungi kunda “ToshkentboshplanLiti” DUK tomonidan Toshkent shahri bosh rejasi konsepsiyasi 3D formatda tayyorlanmoqda. Uni yaratish ustida Turkiya kompaniya mutaxassislari ish olib bormoqda.

“2022-yilning soʻngiga qadar bosh rejaning bir qismini tamomlash rejalashtirilgan. Ayni paytda Toshkent shahrining belgilangan chegarasining ichidagi barcha hududlar loyihasi ishlab chiqilmoqda”, — deydi Saidazim Sharipov.

Uning taʼkidlashicha, bosh rejada, nafaqat Toshkent shahridagi, balki poytaxt atrofidagi hududlarning ham rivojlanishi nazarda tutilib, taxminan 44 ming gektar yer ajratilgan.