Kecha, 31-oktyabr kuni “Milliy” telekanalida namoyish etilgan “Bezori” hind badiiy filmida axloqqa zid kadrlar efirga uzatilgan. Bu holat ijtimoiy tarmoqlarda keng muhokama qilinmoqda. Telekanal rahbariyati mazkur holat yuzasidan rasmiy bayonot berdi.

Maʼlum qilinishicha, odatda, xorijiy filmlardagi milliy mentalitetimizga zid boʻlgan va ruhan salbiy taʼsir yetuvchi epizodlar olib tashlanadi.

Biroq ehtiyotsizlik va texnik xatoga koʻra, 31-oktyabr kuni soat 08.40 da namoyish yetilgan filmda efir madaniyatiga zid qisqa epizod ketib qolgan.

“Masʼul ijodkorlar va xodimlarga tegishli chora koʻrildi.Bunday holat boshqa takrorlanmasligiga harakat qilgan holda, ijodiy jamoamiz nomidan tomoshabinlardan uzr soʻraymiz”, deyiladi bayonotda.