Xabaringiz bor, 3-oktabrdan joriy yil uchun Nobel mukofoti sovrindorlarini eʼlon qilish haftaligi boshlandi. 

Shvetsiya qirollik fanlar akademiyasi haftalik doirasida fizika boʻyicha 2022-yilgi Nobel mukofoti sovrindorlarini eʼlon qildi. Ushbu yoʻnalishda nufuzli mukofot Parij-Sakle universiteti akademigi Alen Aspe, Berklidagi Kaliforniya universiteti doktori Jon Klauzer hamda Massachusets texnologiya instituti akademigi Anton Saylingerga berildi. 

Olimlar “kvant mexanikasi boʻyicha tadqiqotlari uchun” Nobel mukofotini qabul qilib olishadi. Shuningdek, ular 10 mln shved kronasi (taqriban 915 ming dollar) miqdoridagi mukofot pulini ham boʻlishib oladi.