Rossiyaning Sankt-Peterburg shahrida 4 nafar oʻzbekistonlik pasportlari olib qoʻyilgan tarzda ishlatilayotgani haqida murojaat kelib tushdi, deya xabar bermoqda Tashqi mehnat migratsiyasi agentligi matbuot xizmati.

Muammoga oydinlik kiritish maqsadida agentlikning Sankt-Peterburgdagi vakilligi ish beruvchi bilan suhbat oʻtkazib, Rossiyaning amaldagi qonunchiligi asosida javobgarlikka tortilishi haqida ogohlantirildi va fuqarolarning pasportlari oʻz egalariga qaytarildi.

Shuningdek, fuqarolarga Rossiya hamda Oʻzbekiston qonunchiligini buzmaslik, ommaviy namoyishlarda ishtirok etmaslik hamda turli vaʼdalarga uchmaslik yuzasidan targʻibot-tashviqot ishlari olib borildi.