Osiyo taraqqiyot banki Oʻzbekistonga 25 yil muddatga, shu jumladan besh yillik imtiyozli davrga 150 million dollar miqdorida kredit beradi. Mablagʻlar “Iqlim oʻzgarishiga moslashishni hisobga olgan holda Orol dengizi havzasida suv resurslarini boshqarish” loyihasini amalga oshirishga yoʻnaltiriladi.

Maʼlumotlariga koʻra, loyihaning umumiy qiymati 194,9 million dollarni tashkil etadi. Oʻzbekiston investitsiyalari ekvivalentida 40,2 mln.

Loyihaga boshqa ishtirokchilar ham jalb etilgan. Osiyo taraqqiyot jamgʻarmasi 3 million dollar sarmoya kiritadi. Osiyo taraqqiyot bankining Yuqori texnologiyalar jamgʻarmasi – 0,3 million dollar, fermer xoʻjaliklari – 1,38 million dollar.

Loyiha Qoraqalpogʻiston Respublikasi, Buxoro, Surxondaryo va Xorazm viloyatlarida 7 yil davomida amalga oshiriladi. Mazkur muddatga “vaqtinchalik olib kirish” bojxona rejimida roʻyxatdan oʻtkazilgan maxsus texnika, mexanizmlar va texnologik jihozlar shartli ravishda bojxona toʻlovlari va soliqlardan ozod qilinadi.

Loyihani umumiy boshqarish va mablagʻlarning sarflanishini nazorat qilish Suv xoʻjaligi vazirligiga yuklatilgan. Jarayonni boshqarish Suv xoʻjaligi vazirligi huzuridagi Suv xoʻjaligida xorijiy investitsiyalar loyihalarini amalga oshirish markazi tomonidan amalga oshiriladi.

Osiyo taraqqiyot banki kreditini toʻlash, shuningdek, foizlar, komissiyalar va boshqa toʻlovlarni toʻlash bilan bogʻliq xarajatlar Oʻzbekiston respublika byudjeti mablagʻlari hisobidan amalga oshiriladi.