Toshkent shahar Yashnobod tumani “M.Ashrafiy” koʻchasida joylashgan oshxonalarning birida bugun, 28-sentyabrda yongʻin sodir boʻldi.

FVV matbuot xizmatining yozishicha, 4 ta yongʻin-qutqaruv ekipaji soat 10:12 da voqea joyiga yetib borib, yongʻin soat 10:29 da qurshab olingan va soat 10:41 da bartaraf etilgan.

Yongʻin natijasida oshxonaning taxminan 100 kv.m. maydonda tom qismi yonib zararlangan.

Hodisa oqibatida tan jarohati olish va halok boʻlish holatlari qayd etilmadi.

Hozirda yongʻinni kelib chiqish sababi va moddiy zarar miqdori aniqlanmoqda.