Oʻzbekistonda 2022-yilning yanvar—avgust oylarida jami 3 308,6 ming nafar fuqarolar turistik maqsadlarda respublikadan chiqib ketgan.

Davlat statistika qoʻmitasining xabar berishicha, ushbu koʻrsatkichni 2021-yilning mos davriga nisbatan taqqoslaganda (2021-yilda 1 227,7 ming nafar) 2 080,8 ming nafarga yoki 2,7 martaga oshganini kuzatish mumkin.

Ushbu koʻrsatkichning davlatlar kesimida taqsimlanishi quyidagicha:

• MDH davlatlari – 2 888,6 ming nafar;
• Turkiya – 206,8 ming nafar;
• BAA – 73,7 ming nafar;
• Saudiya Arabistoni – 50,2 ming nafar;
• Misr – 27,1 ming nafar;
• Janubiy Koreya – 13,3 ming nafar;
• AQSH – 10,2 ming nafar;
• Hindiston – 6,7 ming nafar;
• Gruziya – 6,4 ming nafar;
• Kuvayt – 6,3 ming nafar;
• Germaniya – 3,7 ming nafar;
• Latviya – 3,0 ming nafar;
• Buyuk Britaniya – 2,9 ming nafar.

Avvalroq Oʻzbekistonga 2022-yilning yanvar—avgust oylarida 3 million nafar chet el fuqarolari turistik maqsadlarda tashrif buyurgani haqida maʼlumot berilgandi.