27-sentyabr kuni Oʻzbekiston boʻyicha yogʻingarchilik kutilmaydi. Shamol 7-12 m/s tezlikda esadi, respublikaning baʼzi joylarida 15-20 m/s gacha kuchayadi, Surxondaryo va Fargʻona vodiysi viloyatlarida shamolning kuchayishi 21-23 m/s ga yetib, ayrim joylarda chang-toʻzonlar kuzatilishi mumkin. Havo harorati +22+27 ni tashkil etadi.

Poytaxtimizda yogʻingarchilik kutilmaydi. Shamol 5-10 m/s tezlikda esadi, 12-15 m/s gacha kuchayishi mumkin. Havo harorati +25+27 boʻladi.

Togʻ oldi va togʻli hududlarda yogʻingarchilik kutilmaydi. Baʼzi joylarda shamol 15-20 m/s gacha kuchayadi, baʼzida 21-23 m/s gacha kuchayishi mumkin. Harorat +13+18 boʻladi.