Toshkent shahrida fuqaroning jarimalari uchun Cobalt avtomashinasi xatlandi. Bu haqida Majburiy ijro byurosi xabar berdi.

Taʼkidlanishicha, yoʻl harakati qoidalarini buzgani uchun A.Anvarovga nisbatan yoʻl harakati xavfsizligi boshqarmasi xodimlari tomonidan jami 63 ta maʼmuriy bayonnoma tuzilgan. Jarimalarning umumiy summasi 50 million soʻmni tashkil etgan.

Byuro tomonidan qarzdor fuqaroga tegishli boʻlgan Cobalt rusumli avtotransport vositasi xatlanib, 50 million soʻm miqdoridagi maʼmuriy jarimalar toʻliq undirilgan va ijro ishi Qonunning 41-moddasiga asosan tamomlangan.