Бугун, 14- сентябрь куни “Ипак йўли дурдонаси” ХИВ Тошкент халқаро кинофестивали очилиши муносабати билан Тошкент шаҳрида бир қанча кўчаларнинг қисмлари транспорт ҳаракати учун ёпилади. Бу ҳақида “Тошшаҳартрансхизмат” АЖ матбуот хизмати хабар берди.

Қайд этилишича, Алишер Навоий шоҳ кўчаси, Лабзак ва Абай кўчалари 17:00 дан 20:00 га қадар ёпилади ва автобуслар ҳаракатида ўзгаришлар бўлади.

Шунингдек, Чилонзор кўчаси – соат 10:00 дан 17:00 гача Новза ва Катта Чилонзор кўчалари оралиғидаги сегментда қисман тўсиб қўйилди;

- Алишер Навоий шоҳ кўчаси — соат 17:00 дан 20:00 гача Абай ва Лабзак кўчалари оралиғидаги сегментда қисман ёпилади;

- Пахтакор кўчаси - Алишер Навоий шоҳ кўчасидан “Пахтакор” стадионигача бўлган сегментда соат 14:00 дан 23:00 гача тўлиқ блокировка қилинган.