Aлатау ҳайвонот боғига 2016 йилда 3 ёшлигида олиб келинган.

Алатау лақабли жирафанинг вафоти сабаблари ҳақида Тошкент ҳайвонот боғининг бош ветеринар шифокори Маҳмуд Кўзибоев сўзлаб берди.

Маълум бўлишича, ўлимдан кейинги патологоанатомик ва лаборатор текширувлари натижаларига кўра, ҳайвоннинг ўлими провентрикуляр тимпания туфайли юзага келган мия ишемияси туфайли содир бўлган. Тимпания, ўз навбатида, ўн икки бармоқли ичакнинг туғма нуқсони туфайли ҳосил бўлган.

Эслатиб ўтамиз: Aлатау ҳайвонот боғига 2016 йилда 3 ёшлигида олиб келинган. Бу ерда жониворнинг яшаши ва тўлақонли озиқланиши учун энг маъқул шароитлар яратилган, шунингдек, барча профилактик ветеринария тадбирлари ҳам ўз вақтида ўтказилган.