Шавкат Мирзиёев Шанхай ҳамкорлик ташкилотига аъзо давлатлар Ташқи ишлар вазирлари кенгашининг тадбирларида иштирок этиш учун Ўзбекистонга келган Хитой Давлат кенгаши аъзоси, ташқи ишлар вазири Ван Ини қабул қилди. Бу ҳақда давлат раҳбарининг матбуот котиби хабар берди.

Қайд этилишича, учрашувда Ўзбекистон ва Хитой ўртасидаги ҳар томонлама стратегик шериклик муносабатларини янада мустаҳкамлаш, кўп қиррали ҳамкорликни кенгайтиришнинг долзарб масалалари муҳокама қилинган.

Шунингдек, минтақавий ҳамкорликни мустаҳкамлаш истиқболлари юзасидан фикр алмашилган, ШҲТнинг бўлажак саммити кун тартиби кўриб чиқилган.