Ислом динининг асосий тамойилларидан бири маърифатдир. Сўнгги йилларда тобора кучайиб, дунё аҳлини ташвишга солаётган терроризм ва экстремизм таҳдидлари моҳиятини жаҳолат ва муросасизлик ташкил этмоқда. Бундай ўта хавфли иллатга қарши куч ишлатиш йўли билан эмас, балки бошқа омиллар билан курашиш ва илдизини қирқишга, биринчи навбатда, ёшларнинг онг ва тафаккурини маърифат асосида шакллантириш муҳим аҳамият касб этади.

Ижтимоий-маънавий муҳитни соғломлаштириш, диний бағрикенглик ҳамда миллатлараро тотувликни мустаҳкамлаш мақсадида жорий йилнинг 10 июнь куни Бандлик ва меҳнат муносабатлари вазирлигида Республика Маънавият ва маърифат маркази ҳамда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита ҳамкорлигида «Жаҳолатга қарши маърифат» шиори остида «Ислом дини терроризмга қарши» ва «Маърифат – қалбнинг нури мавзулардаги маънавий-маърифий тадбир ташкил этилди.