Ижтимоий тармоқларда Наманган вилояти Чортоқ туманидаги Қумробод маҳалласидаги кўприкни ҳамда Чуст тумани Ахча қишлоғидаги йўлни сел оқизиб кетгани тасвирланган видеолар тарқалди. Вилоят ФВБ ҳолатга муносабат билдириб, ҳозирда табиий офат оқибатларини бартараф этиш бўйича ишлар олиб борилаётганини маълум қилди.

Маълум қилинишича, бир неча кундан буён об-ҳавонинг кескин ўзгариши ва аксарият ҳудудларда ёғингарчиликлар кузатилгани туфайли Наманган вилоятидан ўтувчи айрим ҳудудлардаги сойларга сел келган.

Таъкидланишича, селда ушбу жойдаги аҳоли яшаш хонадонлари, экин майдонларига зарар етмаган.