Республика Маънавият ва маърифат марказида «Фидоий ёшлар етакчиси» танловини ўтказиш бўйича ташкилий қўмита йиғилиши бўлиб ўтди.

Танловни Республика Маънавият ва маърифат маркази, Ўзбекистон касаба уюшмалари Федерацияси, Маҳалла ва нуронийларни қўллаб-қувватлаш вазирлиги, Ёшлар ишлари агентлиги ҳамкорликда ташкил этади.

Маҳаллаларда ёшларга оид давлат сиёсатини самарали ташкил этиш, етакчиларнинг маънавий савияси ва билимини ошириш орқали ижтимоий-маънавий муҳит барқарорлигига ҳисса қўшиш, ўғил-қизларда Ватанга муҳаббат, халқимизга садоқат туйғуларини тарбиялашни қўллаб-қувватлаш ҳамда бу борадаги илғор тажрибаларни оммалаштириш, фаол етакчилар меҳнатини муносиб рағбатлантириш мақсад қилинган.

Йиғилишда танловнинг барча босқичларини юқори савияда ўтказиш, ҳакамлар ҳайъатини адолатли ва тажрибали мутахассислардан шакллантириш, ғолибларни муносиб тақдирлаш каби масалалар муҳокама этилди.