Тошкент шаҳрида йўл таъмирлаш ишлари давом этмоқда, дея хабар бермоқда пойтахт ҳокимлиги. Шу кунларда Миробод туманининг бир неча кўчалари таъмирланмоқда:

— Меҳржон ва Кичик ҳалқа йўли кесишмаси;

— Кичик ҳалқа йўли ва Авлиё ота кўчалари кесишмаси;

— Темирйўлчилар ва Сарикўл кўчалари кесишмаси;

— Меҳржон ва Сарикўл кўчалари кесишмаси;

— Ойбек ва Кичик ҳалқа йўли кўчалари кесишмаси;

— Туркистон ва Кичик ҳалқа йўли кесишмаси.

Иш жараёнида йўл ёпилмайди, балки кўчаларда автотранспорт ҳаракати қисман чекланади.