2022 йил 1 августдан бошлаб, бюджетдан ташқари Молия вазирлиги ҳузурида юридик шахс мақомига эга бўлмаган 5 та штат бирлигидан иборат Ижтимоий суғурта жамғармаси ташкил этилади. Бу ҳақида Президентнинг "2022–2030 йилларда аҳолини ижтимоий ҳимоя қилиш миллий стратегиясини тасдиқлаш тўғрисида"ги фармон лойиҳасида қайд этилган. 

Унга кўра, 2022 йил 1 августдан бошлаб,  Қорақалпоғистон Республикаси Молия вазирлиги, вилоятлар ва Тошкент шаҳар Молия бош бошқармалари ҳузурида умумий штат бирликлари доирасида 2 та штат бирлигидан иборат ҳудудий жамғармалар ташкил этилади.

Жамғарманинг жорий фаолиятини юритиши ва сақланиши, моддий-техник таъминоти ва бошқаруви билан боғлиқ харажатлар Давлат бюджети маблағлари ҳисобидан амалга оширилади.