Ўзбекистонда 16 мингдан зиёд инсон «қора рўйхат»дан чиқарилган.

Бу ҳақида Тошкент шаҳрида ўтаётган «Декларациялар мулоқоти» халқаро форумида Дин ишлари бўйича қўмита раисининг биринчи ўринбосари Давронбек Махсудов маълум қилди.

«Президентимиз Шавкат Мирзиёев илгари сурган ташаббус асосида 2018 йили БМТ Бош Ассамблеясининг ялпи сессиясида «Маърифат ва диний бағрикенглик» деб номланган махсус резолюциянинг амалий ифодаси мамлакатимизда диний-маърифий соҳада олиб борилаётган ислоҳотларда яққол ифодасини топмоқда. Хусусан, турли ғаразли кучлар таъсирида диний-экстремизм фаолиятига адашиб кириб қолган 16 мингдан зиёд инсон ҳуқуқни муҳофаза қилиш органлари «қора рўйхати»дан чиқарилди», деди Давронбек Махсудов.