Сурхондарё вилоятининг Термиз туманида етиштираётган полиз экинлари пишиб етилди. Айни вақтда деҳқон ва фермерлар томонидан ҳосиллар йиғиб олиниб маҳаллий бозорларга ҳамда экспортга йўналтирилмоқда.

Жумладан, туманидаги «Нурмуҳаммад Мафтуна» фермер хўжалиги томонидан 10 гектар ерда қовуннинг ҳосилдор эрта пишар «Дагара» нави экилган бўлиб, ушбу ердан 350 тонна қовун ҳосили олишни режалаштиришган. Улар мавсум бошидан буён ҳар кун 10 тоннадан ҳосил йиғиштириб, маҳаллий ва хорижий бозорларга етказиб беришмоқда.