Кеча, 4 май куни Самарқанд – Тошкент йўналиши бўйича ҳаракат қилиб келаётган енгил машина йўл-транспорт ҳодисасига учраши оқибатида талаба ҳалок бўлди.

Олий ва ўрта махсус таълим вазирлиги Матбуот хизматининг маълум қилишича, ЙТҲ қурбони бўлган талаба 23 ёшли А.Х. Тошкент ахборот технологиялари университетида таҳсил олган.

Самарқанд вилоятининг Иштихон тумани яшовчи талаба Радио ва мобил алоқа факультетининг 4-босқичида таҳсил олган.

Маълумот учун, Ўзбекистон олий таълим муассасаларида Рамазон ҳайити муносабати билан берилган 5 кунлик дам олиш бугун, 5 май куни якунланди ва дарслар қайта бошланди.