Фарғона - Самарқанд, Фарғона - Бухоро, Фарғона - Термиз ҳамда Фарғона - Урганч шаҳарлари орасида авиақатновлар қайта йўлга қўйилади.

Транспорт-логистика масалаларини тезкор кўриб чиқиш бўйича идоралараро комиссия икки ҳафта муддатда шу масалани ҳал қилиши керак.

Бу ҳақида 30 апрель куни имзоланган «Ички туризм хизматларини диверсификация қилишга оид қўшимча чора-тадбирлар тўғрисида»ги президент қарорида сўз боради.

Шунингдек, Фарғона – Мўйноқ – Фарғона йўналишида авиақатновлар ҳам ташкиллаштирилади.