Франциянинг машҳур «Канн» кинофестивали доирасида ўтказилган 17-халқаро «ENTRE DEUX CANNES» инклюзив кинофестивалида режиссёр Дилшод Усмоновнинг «ҚАДАМ. ҚУЁШ БОЛАСИ ЮСУФ» қисқа метражли фильми фестиваль олий мукофоти - Гран-прини қўлга киритди.
 

Маълумот учун, фильм Кинематография агентлиги буюртмасига биноан, «Ёшлик» киностудиясида суратга олинган.

Фильм қаҳрамони Юсуф — Даун синдроми билан туғилган бола. Аммо унинг қалбида чексиз нур, мусиқага муҳаббат ва ҳаётга ишонч яшайди. Онаси Зилола эса фарзандининг жамиятда ўз ўрнига эга эканини исботлаш учун курашади.