Президент Шавкат Мирзиёев ташаббуси билан 100 нафар фахрий ва фидойи ватандошларга Ҳаж зиёрати учун бепул йўлланмалар тақдим қилинди.

Қайд этилишича, йўлланмалар билан бирга Ҳаж учун зарур бўладиган тўпламлар ҳам топширилмоқда. “Президент ҳожилари” сифатида эътироф этилаётган ушбу гуруҳ аъзолари айни кунларда сафарга тайёргарлик кўрмоқда.

Мусулмонлар идораси вакили таъкидлашича, “Ўзбекистон тарихида бундай ташаббус ҳали бўлмаган. Ҳажга кетаётганлар орасида ҳар бир соҳадан вакил – ободонлаштириш ходимларидан тортиб, эл таниган олимлар ва шифокорларгача бор".