2022 йил 1 апрелдан нодавлат МТТга фарзандларини юбораётганларнинг 3 млн сўмгача тўловлари даромад солиғидан озод этилади. Тараққиёт стратегиясида таълим сифатини ошириш бўйича белгиланган вазифалар доирасида 2022 йилда қатор ишлар амалга оширилади. 

Бу ҳақида «Янги Ўзбекистоннинг 2022–2026 йилларга мўлжалланган тараққиёт стратегияси тўғрисида»ги Президент фармони лойиҳасида сўз боради.

Хусусан, 1 апрелдан бошлаб нодавлат мактабгача таълим ташкилотларига, мактабларга фарзандларини юбораётган ота-оналарнинг 3 миллион сўмгача бўлган тўловлари даромад солиғидан озод этилиши кутилмоқда.