Ўтган ҳафта биржада АИ-80 автомобиль бензинининг нархи сезиларли пасайди. Бу ҳақида Республика товар-хом ашё биржаси маълум қилди.

Қайд этилишича, 20-26 декабрь кунлари АИ-80 русумли автомобиль бензинининг кунлик ўртача нархлари маҳсулотнинг бир тоннаси учун 8 151,3 минг сўмдан 7 762,3 минг сўмгача, яъни 4,8% га пасайган.

Бензиннинг ўртача кунлик сотув ҳажмлари 4,4 минг тоннани ташкил қилиб, сотувнинг умумий ҳажми 21 940,0 тонна бўлган.

Ўтказилган биржа савдолари натижасида АИ-80 русумли автомобиль бензини бўйича шаклланган ўртача ҳафталик нархи маҳсулотни бир тоннаси учун 7 914,2 минг сўмни ташкил этган.