6 декабрь куни Тошкент вилоятига қилган ташрифи давомида Президент Бўстонлиқ туманида ташкил этилаётган янги туризм масканига ҳам борди.

Хабарда айтилишича, бу ерда зарур инфратузилма яратилиб, капсула шаклидаги уйлардан иборат замонавий дам олиш маскани барпо этилмоқда.

Ойнаванд капсула уйларнинг ўзига хос томони шундаки, улар енгил, кўчма ва камхарж. Катта қурилиш қилинмаслиги боис табиатга ҳам зиён етказмайди.

Бундан ташқари, масканда ресторанлар, дор йўллари ва чанғи учиш майдонлари ташкил қилинади.

Давлат раҳбари бундай капсула уйларни Бахмал, Шаҳрисабз, Бойсун каби бошқа туризм масканларида ҳам ўрнатиш сайёҳлар эътиборини тортишини таъкидлади.