Тошкент ёшлар форумида Президент таълим муассасалари агентлиги директори Ҳилола Умарова ҳамма эътибор Президент мактаблари, ихтисослаштирилган мактабларга қаратилаётгани, чекка қишлоқ таълим муассасалари эса эътибордан четда қолиб кетаётгани ҳақидаги саволга жавоб берди.

Ҳилола Умаровага кўра, агентлик томонидан чекка ҳудудлардаги 14 та мактаб статистикаси қилинганда, 75 фоиз ўқувчи – ўқитувчиларнинг фарзандлари бўлиб чиққан.

«Ҳудудлар кесимида неча фоиз боланинг ота-онаси зиёли, неча фоизининг онаси уй бекаси эканлиги таҳлил қилинган. Президент мактаблари ўқувчилари орасида дейлик, ветеринар, фермер ва ҳарбийларнинг фарзандлари ҳам кўп. 

Президент мактаблари локомотив сифатида бошқа мактабларга таълим методикасини олиб киради. Ҳозир қаерда бўлмасин, ота-она фарзандини яхши мактабга жойлаш учун репетитор ёллаб ҳаракат қиляпти. Чекка қишлоқдами, шаҳар марказидами – билими бор ўқувчининг таълим олиши учун етарли имконият бор», деган Ҳилола Умарова